Der Schweizer Thread

[schnari]

hey thomas. also wenn schon durch die schweiz fährst, wirst es wohl packen auch ma anzuhalten und dir n ne tlw-alien-wade angucken

ich glaub es gibt etwa 4 oder 5 schweizer die länger hier sind, die anderen wechseln dauernd

u um mau dr asatz vom vom vorschriber witer ds mache

wohne dueni bis am friti no ds toffe im bärner gürbetau u ab samsti ds burgdorf, ds toor zum ämmitau.
lo stäche chani so nid säge. bis cho mehrere orte gsi. i gloub bis its nid 2 mau am gliche ort

[kaybee]

Thx fish und schnari! Hehe, du bisch ja tatsächlich e Bääääärner....


ja da muesi dänk au mitmache, wänni de thread scho gstartet han....

ich wohne in Altedorf SZ (bi Pfäffike, Alpamare) und steche lah hanimi vor hundert Jahr mal bi de Moni vom Bodyink Tattoo in Pfäffike, dänn bim Renato vom Living Colors in Luzern (de isch hüt glaubs au scho über 60gi und hät mer sis erschte Arschgweih verpasst, später häts dänn jedi am Arsch gha, aber das isch halt Schicksal....)

Vor 2 Jahr hani min Rugge namal de Moni avertraut und sie hät de alti Drache und das usbleichti Arschgweih mit Lilieranke zumene einheiltiche Ruggbild vervollständigt.

Und im Juni hani Termine bi de Jacqueline vom Corazon Tattoo in Luzern für en polynesische Unterschenkel...

[arec]

hey thomas. also wenn schon durch die schweiz fährst, wirst es wohl packen auch ma anzuhalten und dir n ne tlw-alien-wade angucken

vor tlw-tattoos hab ich angst

[schnari]

Kriegst auch n lutscher

[arec]

ich darf nix von fremden annehmen!

[Elfenpopöchen]

+lach+ och ich pass schon auf das dir nix schlimmes passiert und dir der Mann mit dem Lutscher nix macht

[arec]

ach vor simon hab ich keine angst

[La_Martina]

also guet, dänn oute ich mich au mal... ich bin vo Züri. läbe in Züri und schaffe in Züri... wie mer sich das ja so vo Zürcher gwöhnt isch, nöd wahr mis erschte Tattoo isch vo de Susan, sie hät vorher im World's End tätowiert und hät jetzt es eignigs Studio. Zweimal bini bi Gaschttätowierer gsi im World's End, und d Blueme woni han mache lah sind au bim NEO gsi. Im Mai gahts wiiter... wird na um eis bis zwei Blueme erwiiteret und eventuell nachli meh Farb inebracht.

Freut mi aber sehr, dass meh schwiizer Studios da inebracht werdet - vor zwei Jahr ischs nanig sovill gsi. Oder drü Jahr? Wie au immer

[kaybee]

cool, es outet sich immer meh Eidgenosse!

@Martina: ich find dini Blueme mega schön, vor allem will s Arschgweih so wieder e Berechtigung übercho hät

Worlds End: hehe, i dem Lade hani mi mal pierce lah vom Rock, sehr surreali Erfahrig gsi......

[-Varg-]

Ok denn machi au mal au wenn dadure mini Tarnig ufflügt...

Chume vo Urdorf (Dete wos immer Stau het) im Kanton ZH.
Ghöre zuni zu i dem Forum vom ussterbe bedrohte Rasse vode Nackige (aber schribe trozdem flissig mit xD)

[kaybee]

@Varg: Nackig, gaht ja gar nöd! oder wartisch eifach ab, und überaschisch eus alli dänn miteme komplette Bodysuit?

[-Varg-]

Hehe nee sowit wirds nie cho
Aber na k.a was und bevor mer irgend öbis steche lahn wohni nachher bereu lahnis na blibe und tribe mich eifach so chli da ume xD

[La_Martina]

yeeee danke villmal kaybee... am 4. Mai gahts wiiter. Froi mi scho total.

Ziemlich alles bim Rock isch irgendwie e surreali Erfahrig, nöd? Die Puppe-Bei wo a de Wand ghange sind... a das magi mi na guet erinnere

[kaybee]

hehehe, ja d Puppebei.... und de Rock sälber isch eifach eis zviel! bi fascht hinderschi wieder zum Lade us zu allem Übel han ich ja mini Brustwarze pierce lah, und ehrlich gseit hanimi zerscht extrem unwohl gfühlt mit ihm da elei im Chäller so oben ohne aber er isch en super Piercer, extrem schnell und suuber, würd jedes Piercing nur bi ihm steche lah.

soso, am 4. Mai chunsch wieder under d Nadle, cool! bi wem?

Ich mues warte bis am 28. Juni.....

[st4rfish]

Haha aso ich find s worlds-end jo mol richtig geil..die motore-verkleidig im iigangsbereich isch eifach de hammer!
.. ich ha mi döt drum ebe au mol steche loh, vom NEO. (mini miiiiezekatze )